Белоти доби нов договор со „волчицата“ од Рим

Напаѓачот на Рома, Андреа Белоти го продолжи договорот со клубот. Новиот договор на италијанскиот интернационалец е до 2025 година.

„Чувството е неверојатно. Импресиониран сум од градот и страста на навивачите. Почувствував колку голем клуб е Рома штом пристигнав тука. Мојот нов договор е логично продолжение на патувањето кое започна минатата година“, изјави Белоти.

Белоти во дебитантската сезона со тимот на „волчицата“ одигра вкупно 47 натпревари во сите натпреварувања, на кои постигна 4 гола, но ниту еден во Серија А.