Добри вести за Компани, Мусиала им се врати на тренинзите

Навивачите на Баерн Минхен добија уште една многу добра вест по убедливата победа над Бриж вчера. Станува збор за тоа дека Џамал Мусиала, кој се опоравуваше од сериозна повреда, конечно се врати на тренинг на теренот.

Ова се случи денес, кога 22-годишниот талент одигра индивидуални тренинзи и координациски вежби со рехабилитациониот тренер на Баерн Симон Мартинело. По четврт час, Мусиала ги смени чевлите и направи уште неколку кругови околу терените на базата на баварците. Тренингот на отворено заврши по околу 25 минути, а младиот фудбалер накрај дури и си подаде неколку пати топка со Серж Гнабри, кој исто така тренираше индивидуално по двонеделна пауза поради проблеми со аддукторите.