Реал Мадрид напорно работи да најде замена за Тони Крос. Завршувањето на кариерата на Германецот отвори сериозна дупка во средниот ред на Реал Мадрид и клубот веќе бара играч со слични квалитети за да биде доведен сега или најдоцна следното лето.

Клубот веќе има неколку играчи на мета. Тие вклучуваат Кертис Џонс од Ливерпул, Родри од Манчестер Сити, Енцо Фернандез од Челзи, Џошуа Кимих од Баерн Минхен и Витиња од Пари Сен Жермен. Реал допрва треба да го оцени секој од нив и да процени кој најдобро ќе се вклопи во тимот и кој има квалитети да биде лидер во средниот ред на тимот.

Од „Сантијаго Бернабеу“ се надеваат дека со доведување на еден од овие играчи, ќе најдат рамнотежа во средниот ред што ќе им даде поголема слобода на Винисиус Жуниор, Килијан Мбапе и Џуд Белингем да ја градат својата напаѓачка игра.

Манчестер јунајтед сака да го ангажира Кенан Јилдиз. Англискиот клуб го разгледува 19-годишниот играч како еден од главните кандидати за засилување за средниот ред.

Во Јунајтед се импресионирани од развојот на играчот на Јувентус и продолжуваат внимателно да го следат.

Сепак, самиот Јилдиз не планира да ги напушти „бјанконерите“. Тој се чувствува многу удобно во клубот и има намера да остане и следната сезона.

Во тековната сезона во Серија А, Јилдиз одигра 14 натпревари, постигнувајќи три гола и две асистенции.

Фудбалерите на Арсенал и Манчестер јунајтед ќе се сретнат во третото коло од ФА Купот, беше одлучено со денешната ждрепка.

Третото коло е првото коло во кое се вклучуваат и најсилните тимови од Премиер лигата, а ждрепката веднаш ги спои Арсенал и Манчестерј, како и Астон Вила и Вест Хем.

Манчестер сити помина добро, ќе го пречека нисколигашот Салфорд, исто како и Ливерпул кој го пречекува Акрингтон, додека Челзи ќе му биде домаќин на Моркамб.

Натпреварите од третото коло во ФА Купот се закажани за 10, 11, 12 и 13 јануари.

Титулата ја брани Манчестер јунајтед кој во ланското финале го совлада Манчестер сити.

Сосема необична вест доаѓа од Франција, каде член на елитниот Авр суспендира шестгодишен навивач!

Локалниот „Лекип“ наведува дека бил обвинет за фрлање проектили во средината на второто полувреме на мечот против Ремс (0-3) на почетокот на ноември, додека „проектилите“ всушност биле празни хартиени чаши и хартиени топчиња, кои најверојатно ги фрлил кон својот пријател.

Сепак, тие слетале на работ од теренот, надвор од рекламните панели – иако никого не погодиле.

Малку е тажно, но мораме да дејствуваме по овие прашања и во однос на зголеменото лошо однесување. Треба да ја подигнеме свеста кај оние кои нѐ следат и да покажеме дека стадионот мора да остане место за славење, а не место за исфрлање гнев – велат од клубот.

Овој инцидент е забележан во извештајот на делегатот. Користењето на видео надзор овозможило да се идентификува малолетникот, кому потоа му е забранет влез на стадионот неколку месеци, како и на неговиот старател (кој ги купил и ги држел билетите). Неговите родители биле контактирани од клубот и по пошта известени за одлуката, што тие не ја оспориле. Суспензијата вклучувала натпревари против Анже, како и Стразбур (во декември) и Ленс (во јануари).

Минатиот вторник пристигнаа лоши вести за навивачите на ВФБ Лубек, германски четвртолигаш. Лубек е град во северна Германија, во провинцијата Шлезвиг-Холштајн.

Клубот тогаш објави дека е пред банкрот, и дека во следните 48 часа мора да собере еден милион евра за да се спаси.

„Сеопфатната анализа на моменталната финансиска состојба идентификуваше значителен недостаток на ликвидност, што претставува голем финансиски предизвик за Надзорниот одбор и раководството“, напишаа од клубот.

„Апелираме до сите да застанат покрај нас во овој тежок момент и да размислат како можат да не поддржат. Секоја навремена поддршка, без разлика дали во форма на спонзорство, донации или други мерки е важна. Само заедно можеме да го спасиме Лубек и да ја надминеме оваа егзистенцијална криза“, се вели и во пораката, а навивачите на Лубек покажаа колку се подготвени да го спасат својот клуб.

Клубот во неделата попладне објави дека во последните неколку дена успеал да собере еден милион евра од навивачите, поддржувачите и спонзорите. На миса во Лубек во неделата рано навечер, веста за спасувањето официјално им беше објавена на навивачите. Присуствуваа околу 4.500 луѓе.

Подоцна, клубот ја објави веста преку официјални канали: „Сензационално, извонредно, уникатно, ова е за историја, иако е тешко да се опише со зборови што сме доживеале, собравме, споделивме и постигнавме заедно како Лубек семејство. Ја собравме потребната сума од еден милион евра, Лубек жив!“, соопшт клубот.

Тренерот на Ливерпул, Арне Слот е задоволен од играта на неговите фудбалери во триумфот над Манчестер Сити (2-0) вчеравечер во натпреварот од 13. коло на Премиер лигата.

„Беше речиси совршен натпревар. Поради бројот на пропуштени шанси на крајот малку стравувавме, но можеби тоа е добра работа за вакви натпревари. Така треба да биде. Но, поубаво би било да го постигневме вториот гол порано“, истакна Слот .

Ливерпул ја освои четвртата победа во низа во Премиер лигата. Екипата на Арне Слот постигна 34 бода и води на првенствената табела. На второто место се Арсенал и Челзи со по 25 бодови.

Тренерот на Атлетико Мадрид, Диего Симеоне ги процени шансите на неговиот тим во трката за титулата во Ла Лига.

Мадриѓаните по 15 натпревари се на второто место на табелата со два бода помалку од Барселона.

Што се однесува до борбата за титулата, ние се бориме сами со себе. Нема да биде лесно, бидејќи се натпреваруваме со Реал, Барселона, Виљареал, Атлетик кои се исто така многу добри. Ла Лига е тежок турнир, а со секој следен натпревар ситуацијата станува потешка.
Напредокот на Ленглет, Серлот и Хулијан Алварез, надежта за брзо закрепнување на Робин Ле Нормант – сето тоа придонесува за добра тимска работа. Точно знаеме што сакаме и одиме кон целта“, изјави тренерот на Атлетико.

Тимот на Симеоне синоќа на гостински терен го совлада Ваљадолид со 0-5.