Одбојкарите убедливо поразени од Финска на отворањеро на Златната лига
Машката одбојкарска репрезентација на Македонија попладнево во Братислава загуби од Финска со 0-3 (20-25, 15-25 и 19-25) во првиот натпревар од годинешното издание на ЦЕВ Европската Златна лига.
Со победата Финците ја продолжуваат позитивната серија во меѓусебните пресметки.
Капитенот Никола Ѓорѓиев го заврши мечот со 12 поени, еден помалку освои Александар Љафтов, додека Филип Савовски имаше седум, а Илиев постигна пет поени.
Македонија првата победа во ЦЕВ Европската Златна лига ќе ја бара утре, кога во 15 часот, во „Гопас“ арената во Братислава ќе се соочи со домаќинот на првиот турнир Словачка, која исто така со 3:0 загуби од Финска во петокот.
Усвоено кратењето на Првата лига на десет клуба
На редовната седница на Управниот одбор на Фудбалската федерација на Македонија (ФФМ) донесена е одлука за намалување на бројот на екипи од 12 на 10 во Првата лига за сезоната 2026/27.
– Реформите кои ги најави раководството на Фудбалската федерација на Македонија се случуваат со конкретни одлуки и промени во натпреварувачкиот систем. Го менуваме системот одвнатре, поставувајќи темели за пофункционален, поквалитетен и стабилен развој на МФЛ, соопшти ФФМ.
Нов систем за натпреварување по две години ќе има и во Втората лига, како и Третите регионални лиги.
Исто така, Управниот одбор на ФФМ ја донесе одлуката за именување на Васко Дојчиновски за претседател на Комисијата за натпреварување.
Маркез ќе тргне од пол-позицијата во Арагон
Возачот на Дукати, Марк Маркез, триумфираше на спринт трката што се одржа во рамките на Големата награда на Арагон, осмата рунда од овогодинешното првенство на Мото ГП.
Осумкратниот светски шампион ја постигна својата седма победа во спринтот оваа сезона на патеката Арагон, а се врати на највисокото скалило на победничкиот подиум откако беше престигнат од неговиот помлад брат Алекс пред две недели во Силверстоун.
Алекс беше главниот конкурент на постариот Маркез во Арагон, но нивната борба не траеше долго и возачот на Гресини мораше да се задоволи со второто место, околу две секунди зад својот брат. На третото скалило на подиумот беше Фермин Алдегер, соиграч на помладиот Маркез, кој беше околу две секунди понапред.
Акцијата на патеката „Моторленд“ продолжува во недела од 11 часот, а трката во кралската класа е на програмата од 14 часот.
Дембеле и Баркола повредени, нема да играат во малото финале на ЛН
Селекторот на Франција, Дидие Дешамп, се соочува со сериозни прблеми во ростерот пред утрешниот меч со Германија за третото место елитната група во Лигата на Нации.
Мечот ќе биде одигран во Штудгарт во попладневниот термин од 15.00 часот. „Триколорите“ останаа без стандардните првотимци, Усман Дембеле и Бредли Баркола. Тие се повредени и се ослободени од кампот на „петлите“.
Клемент Ленгле исто така добил повреда и нема да се појави на утрешниот меч против „панцирите“. Ќе потсетиме, во битката за првото место ќе се сретнат Шпанија и Португалија.
Луис Енрике го замени Олимпик Марсеј со Интер
Италијанскиот фудбалски состав Интер, објави преку социјалните мрежи дека го обезбедила крилниот напаѓач, Луис Енрике, кој доаѓа од Франција од екипата на Олимпик Марсеј.
Бразилецот е второто летно засилување за гигантот од Милано по централниот играч за врска Петар Сучиќ. Договорот е до 2030 година и вреди вкупно 25 милиони евра со бонуси.
23-годишникот ќе добие шанса да настапи на Светското првенство за клубови во текот на летото.
Томас Франк фаворит за тренерското место во Тотенхем
Томас Франк, e главниот фаворит да го наследи Постекоглу на клупата на Тотенхем, објавија денес англиските медиуми.
Според Скај Спортс, „пчелите“ нема да му создаваат пречки ако сака да си замине. 51-годишниот Франк го предводи Брентфорд од октомври 2018 година. Во последната сезона го освои десеттото место на табелата.
Тој во 317 натпревари има 136 победи, 71 нерешени и 110 порази. „Спарси“ на листата за нов тренер го имаат ставено и Марко Силва од Фулам.
Кузмановски: Македонија е зелено-бела, Битола ќе слави титула три дена!
Ракометарите на Еурофарм Пелистер ја одбранија титулата во домашниот шампионат откако во решавачкиот меч забележаа победа на гостувањето кај Вардар со 30-32. Во победничкиот состав Кузмановски постигна седум, а Пешевски и Тајник по пет. гола На крајот на шампионатот Еурофарм Пелистер го обезбеди врвот со два бода предност пред „црвено-црните“.
По победата своите импресии ги изнесоа капитените на Еурофарм Пелистер, Кузмановски и Митревски.
Филип Кузмановски
Верував во екипата, од почетокот до крајот и се надминавме. Ова е најдрагата титула за мене, за мојот матичен клуб, за мојот град и за нашите навивачи. Поминавме многу заедно и заслуживме да дојдеме каде што сме. Вечерва Македонија е „зелено-бела“. Ќе славиме титула три дена.
Никола Митревски
Сакам да им честитам на сите присутни во салата. Покажавме дека можеме да организираме натпревар со врвна организација и однесување на теренот и трибините. Имавме тешка сезона, големи падови, но кога требаше се издигнавме. Верувавме дека можеме, а кога веруваш сè е можно. На претходните два порази од Вардар 1961 сите ничии топки завршуваат кај нив. Денес сите тие топки завршија кај нас, имавме спортска среќа и затоа победивме. Вардар беше под притисок, ние немаше што да загубиме и покажавме карактер.
Осуммина пелистерци со трите шампионски титули во Суперлигата!
Со голема драма во сите три сезони и со различни тренери на клупата Еурофарм Пелистер комплетираше хет-трик на трофеи од домашниот шампионат. Мала е групата на ракометари и членови на стручниот штаб кои ги освоија сите три титули. Во генерациите 2022/23, 2023/24, 2024/25 учествуваа: Павле и Петар Атанасијевиќ, Цветан Кузманоски, Емилијан Ѓорговски, Ненад Костески, Павле Петровиќ и Жарко Пешевски. Исто така дел од трите шампионски генерации се тренерот на голмани Ице Соколески, спортскиот директор Звонко Шундовски, кондициониот тренер Александар Марковски и физиоперапевтот Филип Милевски.
Секако, трофеите се под палката на семејството Стерјеви и компанијата Еурофарм, која е сопственик на мнозинскиот пакет акции на Еурофарм Пелистер. Дел од акциите има и Општина Битола, која секоја година несебично го помага клубот и повеќе од потпишаниот договор. По потпишувањето на платформата за ракометна Битола има само еден трофеј кој пелистерци не го освоиле – тоа е Купот на Македонија.
Еурофарм Пелистер среде Скопје ја одбрани шампионската титула!
Еурофарм Пелистер е старо-нов шампион на Македонија. Битолчани вечерва во Скопје го совлада Вардар со 30-32 и стигнаа до трофејот.. Победата пелистерци ја обезбедија во второто полувреме. Првото им припадна на домаќините со 17-15, а имаа и пет гола предност (15-10). Сепак, во вториот дел Еурофарм Пелистер беше подобар противник, одигра поагресивно во одбраната, нападот беше потечен за конечен триумф вреден титула.
Најефикасен во победничкиот тим беше Филип Кузмановски, кај вардарци се истакна Вуко Борозан со осум погодоци.
Ова е деветта титула за пелистерци и прв хет-трик на трофеи на домашни трофеи од шампионатот.
Баерн преговара со Рафаел Леао
Ѕвездата на Милан Рафаел Леао побарал да биде продаден за време на летниот трансфер период, тврди германскиот новинар Флориан Плетенберг.
Според него, клубот поставил цена од најмалку 70 милиони евра за крилото, а интерес пројавил Бајерн Минхен, но од таму сè уште не презеле конкретни чекори за започнување на преговори.
Италијанските новинари Матео Морето и Џанлука Ди Марцио даваат различни информации за оваа тема. Според нив, Леао не го известил клубот за својата желба да замине, ниту раководството има намера да се раздели со него, и покрај очекувањата за продажба на други ѕвезди како Тижани Рајндерс, Тео Ернандес и веројатно Мајк Мењан.
Освен тоа, двајцата трансфер експерти додаваат дека понуда на Бајерн би изнесувала околу 80-90 милиони евра, при што не е исклучена можноста сумата да се намали на 50-60 милиони евра со вклучување на играч во потенцијална зделка.
Алиоски: Се радувам за голот, но жалам што не победивме!
Џани Алиоски можеше да стане трагичар поради пропуштената шанса, но на крајот стана херој на Македонија откако со прекрасен гол донесе реми.
Македонија имаше шанси и да победи, но на крајот треба да бидеме среќни за ремито против силниот состав на Белгија.
„Среќен сум што дадов гол, но жалам што не победивме. Белгија е добра селекција, но имавме шанси да ја совладаме вечерва. Сега целосно сме фокусирани на дуелот со Казахстан – сакаме победа“, изјави кусо стрелецот на голот за Македонија.
